Old
Net as eerder spelt hij nog de NRC
oefent zacht zien stem in traog herhaolen
tuurt naor varten waor zien vaordigheden
in nette staopels langzaom an vervaogt
hij weefde humor deur een speech an taofel
knupte kundig raofels tot tapijt
hef de wereld bomen kweekt
nou het leven hum in bochten dwingt
zingt een longern deur de grieze daogen
en zien maoger wordend lief
de nacht umhelst hum
met een neie tederheid
zien bienen schommelt
diep under de deken
broze stokken van een tent
die wankelnd naor boven steekt.
* * * * * * * * * *
Vioolties an zee
Weerum in Eden wezen
vioolties an zee
vanof het dak de zun zien kaanteln
tot de zummer kleuren aodemt
van het veurig jaor
dan komp golvend een peerd
in vertraogde galop
op zien rug pirouetten
in roze tutu
ballerina
op de maot van de hoefslag
giet een oldere vrouw
muizaam staon
kek ze nao
spreid heur aarms
en ze drèeit um heur as
terug in de tied
heur voeten ontstramt
heur tienen bint smeu
ze zöcht heur schaduw
veur een pas de deux
voet an voet deur de roegte
ze warvelt as wind
kleiner en kleiner
wordt de figuren
die mekaor vindt bij
vioolties an zee.
Net as eerder spelt hij nog de NRC
oefent zacht zien stem in traog herhaolen
tuurt naor varten waor zien vaordigheden
in nette staopels langzaom an vervaogt
hij weefde humor deur een speech an taofel
knupte kundig raofels tot tapijt
hef de wereld bomen kweekt
nou het leven hum in bochten dwingt
zingt een longern deur de grieze daogen
en zien maoger wordend lief
de nacht umhelst hum
met een neie tederheid
zien bienen schommelt
diep under de deken
broze stokken van een tent
die wankelnd naor boven steekt.
* * * * * * * * * *
Vioolties an zee
Weerum in Eden wezen
vioolties an zee
vanof het dak de zun zien kaanteln
tot de zummer kleuren aodemt
van het veurig jaor
dan komp golvend een peerd
in vertraogde galop
op zien rug pirouetten
in roze tutu
ballerina
op de maot van de hoefslag
giet een oldere vrouw
muizaam staon
kek ze nao
spreid heur aarms
en ze drèeit um heur as
terug in de tied
heur voeten ontstramt
heur tienen bint smeu
ze zöcht heur schaduw
veur een pas de deux
voet an voet deur de roegte
ze warvelt as wind
kleiner en kleiner
wordt de figuren
die mekaor vindt bij
vioolties an zee.